Bugatti Veyron-ը զրկվել է ամենաարագ մեքենայի կոչումից
Bugatti Veyron Super Sport
Գինեսի ռեկորդների գրքի ներկայացուցիչները զրկել են Bugatti Veyron-ին աշխարհի ամենաարագընթաց սերիական արտադրության ավտոմոբիլի կոչումից:
Հիշեցնենք, որ Bugatti Veyron Super Sport-ը ռեկորդի կոչումը ձեռք է բերել 3 տարի առաջ՝ 2010թ-ին, երբ Volkswagen կոնցեռնին պատկանող մրցուղում սահմանեց 430,9 կմ/ժ արագություն: Այսինքն, զգալիորեն ավելի արագ , քան նախորդ ռեկորդը ՝ ամերիկյան Shelby Ultimate Aero-ն (411,7կմ/ժ):
Shelby Ultimate Aero
2013թ-ի ձմռանը արագության ռեկորդի համար մղվող պայքարի մեջ մտավ ևս մեկ ամերիկյան ընկերություն՝ Hennessey Performance-ը: Նրա ներկայացրած Venom GT մոդելի համար 1200 ձիաուժ արագություն է ապահովում V-աձև 8-մխոցանի շարժիչը : Փետրվարի 9-ին ամերիկյան ավիաբազաներից մեկում սուպերքարը սահմանեց իր առավելագույն արագությունը՝ 427,6 կմ/ժ: Իրենց այս ձեռքբերման մասին խոսելիս, ամերիկացիները հայտարարեցին, որ այս ցուցանիշը վերաբերվում է բոլոր Venom GT մեքենաներին, ի տարբերություն Veyron-ի, որի վաճառքի համար նախատեսված սերիական արտադրության մեքենաները հասնում են մինչև 415 կմ/ժ-ի:
Hennessey Venom GT
Բրիտանական Driving կայքի պահանջով Գինեսի գրքի հրատարակիչները ուսումնասիրություն անցկացրեցին, որի արդյունքում Bugatti Veyron-ի ռեկորդը անվավեր հայտարարվեց:
Հետաքրքիրն այն է , որ ռեկորդի կոչումը նորից տրվել է Shelby Ultimate Aero-ին : Եվ եթե Hennessey -ի ներկայացուցիչները ուզում են վիճարկել դա, ապա պաշտոնապես պիտի կրկնեն մրցավազքը և հաստատեն իրենքց ձեռք բերած ցուցանիշը:
Այլ նորություններ
|
Վիդեո
|
