BMW X4 կոնցեպտի լուսանկարները համացանցում հայտնվեցին նախքան կրոսս-կուպեի 1-ին ցուցադրությունը , որը կայանալու է ապրիլի վերջին Շանհայի ավտոսրահում: Հայտնի է, որ մեքենան սերիական արտադրության կդրվի 2014 թվականից և որոշ նմանություն կունենա BMW X6 մոդելի հետ: Հիմքը կդրվի X3-ի պլատֆորմի վրա:
Մեքենայի վերաբերյալ որոշ մանրամասներ դեռևս գաղտնի են պահվում արտադրողների կողմից, սակայն հայտնի են կոնցեպտի արտաքին չափսերը. այն X6 -ի համեմատ 227մմ-ով կկարճանա (4648 մմ), 68 մմ-ով կցածրանա (1622 մմ), բայց 70 մմ-ով ավելի լայն կլինի X6-ից (1915 մմ): Անիվային բազան նույնպես ավելի լայն է լինելու: Բեռնախցիկը, հավանաբար, 500 լ տարողություն կունենա: Մեքենան կարտադրվի 2.0 և 3.0 լիտրանոց շարժիչներով, որոնք կապահովեն 143-ից 306 ձիաուժ հզորություն: Չի բացառվում նաև, որ հետագայում թողարկվի X4-ի ՛՛լիցքավորված՛՛ տարբերակը՝ 6.0 լ հզոր տուրբոշարժիչով:
BMW X4 կրոսս-կուպեն 4500 դոլարով ավելի թանկ կարժենա, քան X3-ը:
Նոր մեքենան կհավաքվի BMW կոնցեռնի ամերիկյան գործարանում՝ Սպարտանբերգ քաղաքում:
