Ավտոլեգենդ - Ferrari 250 GTO
.jpg)
Ferrari 250 GTO. իտալական Ferrari ընկերության արտադրած այս մոդելը ավտոարդյունաբերության ողջ պատմության ընթացքում արտադրված ամենատպավորիչ ու ցանկալի մոդելներից մեկն է: Արտադրվել է միայն 1962-64թթ. ՝ հատուկ ավտոմրցավազքերի մասնակցելու համար:
Մոդելի անվան մեջ 250 թիվը նշանակում է շարժիչի յուրաքանչյուր մխոցի ծավալը՝ սմ3-ով, իսկ GTO տառերով նշվում է դասը՝ «Gran Turismo Omologata», որը իտալերենից թարգմանաբար նշանակում է «Թույլատրվում է մրցավազքի համար»:
Այս «Երկաթե նժույգի» հիմքը կազմում են 3 լ ծավալով V12 գերհզոր շարժիչը (300 ձիաուժ) և 5 աստիճան մեխանիկական փոխանցման տուփը: Առավելագույն արագությունը 280կմ/ժ է, իսկ 100 կմ/ժ արագության հասնելու համար բավական է 6.1 վայրկյանը: Տեխնիկական բոլոր նորույթներն ու հնարքները, որոնք Ferrari-ն օգտագործում էր 60-ականների կեսերին իր մեքենաները պատրաստելու գործում, բնորոշ են Ferrari 250 GTO մոդելին: Ներքին հարդարանքը բավականին պարզ է ու պրակտիկ: Ռեկորդային տարողություն ունի բենզաբաքը ՝ 133լ:
1962-63թթ. հավաքվեց ընդամենը 36 մեքենա, իսկ հաջորդ տարում հանրությանը ներկայացվեց Ferrari 250 GTO-ի նոր ՛՛ երկրորդ սերիան՛՛՝ որոշ արտաքին փոփոխություններով: Այս տարբերակից միայն 3 օրինակ հանվեց վաճառքի: Եվ այսպես, արտադրվեց ընդամենը 39 օրինակ 250 GTO:
60-ականների վերջերին նոր Ferrari 250 GTO մեքենան արժեր 18 000 ամերիկյան դոլար, իսկ յուրաքանչյուր գնորդի անձամբ պիտի հավանություն տար ընկերության հիմնադիր Էնցո Ֆերրարին:
Լեգենդար այս սպորտքարը իր ողջ պատմության ընթացքում հիանալի ռեկորդներ է գրանցել ամենատարբեր մրցավազքերում: 250 GTO -ն շարունակում է ռեկորդները նաև այսօր: 2012թ. վաճառվեց պատմության ընթացքում երբևէ վաճառված ավտոմեքենաների մեջ ամենաթանկարժեքը . դա 1962թ. արտադրության Ferrari 250 GTO -ն էր, որ նախատեսված էր եղել հատուկ աշխարհահռչակ Ստիրլինգ Մոսսի համար: ՛՛Կանաչ խնձորի՛՛ գույն ունեցող այս հազվագյուտ Ferrari-ի համար նոր տերը վճարել է 35 մլն դոլար:
 
Այսօր այս ռեկորդը գերազանցելու միտում ունի մեկ այլ Ferrari 250 GTO , աճուրդը կկայանա մոտ օրերս, նախատեսվում է այն վաճառել 41 մլն դոլարով:
Այլ նորություններ
|
