2013թ. Նյույորքյան ավտոցուցադրության ժամանակ ներկայացված ամենատպավորիչ մեքենաների ցանկում է Mercedes CLA 45 AMG սեդանը:Նորույթը տպավորիչ է ոչ միայն արտաքին դիզայնով, այլև տեխնիկական ցուցանիշներով: 360 ձիաուժ հզորությամբ 2.0լ շարժիչը մեքենայի համար ապահովում է 250կմ/ժ առավելագույն արագություն: 7-աստիճան ավտոմատ փոխանցման տուփով լիաքրշակ 4MATIC սեդանը 100 կմ/ժ-ի սահմանը հատում է 4,5 վրկ-ում:
4-մխոցանի տուրբոշարժիչը ոչ միայն սերիական արտադրության մոդելների վրա տեղադրվող ուժեղագույն շարժիչներից է, այլև էկոլոգիապես մաքուր է:
Վառելիքի ծախսը բավականին քիչ է՝ 6,9լ 100 կմ-ի համար, ինչը նշանակում է CLA 45 AMG-ն վարելը շատ թանկ չի արժենա գնորդների համար:
Ի դեպ, Mercedes ընկերությունը նշում է, որ պատվերներ կսկսեն ընդունել 2013թ. հուլիսից, իսկ մեքենան շուկա դուրս կգա սեպտեմբերից: Հայտնի է արդեն ՛՛լիցքավորված՛՛ Mercedes CLA 45 AMG սեդանի գինը. Եվրոպայում այն կարժենա մոտ 56 000 եվրո:
