Audi A3 նոր սեդանն արդեն պատրաստ է
Թվում է, սեդանները նորից վերականգնում են իրենց դիրքը ավտոաշխարհում: Թափքի դասական տիպի նկատմամբ նոր հետաքրքրություն են դրսևորում ավտոսիրողները: Ընդ որում, գերադասելի է սեդանի ավելի փոքր տրպը:
Դրա վառ ապացույցն է 4-դռնանի Audi A3-ը, որը ներկայացվել է Նյու-Յորքի փակ ցուցադրության ժամանակ, իսկ հիմնական պրեմիերան կկայանա 1 ամսից Շանհայում:
.jpeg)
Նորույթի չափերն են. 4460 х 1796 х 1416 մմ, այսինքն Audi A3 հեչբեքի համեմատ այն երկարել է 150 մմ, լայնացել ՝ 11 մմ և 9 մմ-ով ավելի ցածր դիրք է ձեռք բերել: Audi A3 մոդելը կարտադրվի 1.4 լիտրանոց 140 ձիաուժ հզորությամբ, 1.8 լիտրանոց 170 ձիաուժ հզորությամբ TFSI բենզինային, ինչպես նաև, 2.0 լ 150 ձիաուժով TDI դիզելային շարժիչներով:
.jpeg)
Բացի այս 3 -ը, Audi-ն կներկայացնի նաև S3 առավել հզոր տարբերակը՝ 2.0 լ բենզինային տուրբոշարժիչով, որը մեքենայի համար կապահովի 300 ձիաուժ հզորություն և 250 կմ/ժ առավելագույն արագություն: 6 աստիճան ավտոմատ S Tronic փոխանցման տուփը մեքենային հնարավորություն կտա 100 կմ/ժ արագության հասնել 4,7 վրկ-ում:
.jpeg)
Audi A3 սեդանը հարուստ է սարքավորումներով ու տարատեսակ նորույթներով: Դրանք են պանորամային տանիքը, կարգավորվող կրուիզ- կոնտրոլը, ճակատային հնարավոր բախման մասին զգուշացնող համակարգը և այլ օպցիաներ: Սակայն ամենակարևորը այստեղ Audi Connect-ի առկայությունն է. այն հնարավորություն է տալիս վարորդին կարդալ նորություններ (այդ թվում նաև սոցցանցերից), տեղեկություն ստանալ խցանումների, ինքնաթիռների և գնացքների չվացուցակների և վառելիքի գնի մասին, ի դեպ, համակարգը տեղյակ է, թե ինչ վառելիք է պետք տվյալ մեքենային: Պատվերի դեպքում՝ հավելյալ վճարի դիմաց, մեքենան կհամալրվի 705-վատ հզորությամբ Bang & Olufsen աուդիոհամակարգով (14 դինամիկ):
.jpeg)
2013-ի ամռանը կսկսվի Audi A3-ի վաճառքը Եվրոպայում: Գինը բավականին գրավիչ է ՝ մոտավորապես 25 000 եվրո: Սա ակնհայտ ցածր գին է Եվրոպայի մրցակցային շուկայում:
Այլ նորություններ
|
Վիդեո
|
