	Продать автомобиль		Автопрокат
	Продать запчасти

Регистрация | Забыли пароль

Автомобили
купить/продать

Марка

Модель

Тип

Состояние

Год выпуска
-

Цена
-

Mercedes G 500

Mercedes G 500-ից ստացած առաջին տպավորությունը կարելի է արտահայտել 3 բառով. հզորություն, լրջություն և առնականություն: Այս մեքենան անտարբեր չի թողնում որևէ ավտոսիրողի և երազանք է շատ-շատերի համար: Նրա սրահում կարծես ուրիշ աշխարհում լինես. ամեն ինչ այնքան հուսալի է, որակյալ և միևնույն ժամանակ պարզ...

Սակայն դա չի նշանակում , որ այն թերություններ չունի: Առաջին հերթին, ՛՛Գելենդվագենի՛՛ խիստ խորանարդաձև լինելը անհամատեղելի է աէրոդինամիկայի հետ, իսկ նստատեղերը բավականին չոր են և դժվարացնում են նույն դիրքում երկար ժամանակ մնալը: Սակայն սրանք չնչին թերություններ են, և այս մեքենան նախընտրողները հաճույքով աչք են փակում դրանց վրա: Նոր, 2013թ-ի G-500-ում մինիմումի են հասցվել բոլոր թերությունները:

Անկասկած, ՛՛Գելենդվագենն՛՛ այսքան յուրօրինակ չէր լինի, եթե չլիներ նրա անկրկնելի, փոքր-ինչ հնաոճ դիզայնը: Նոր G 500-ի էքստերիերը նախորդներից տարբերվում է հիմնականում կատարելագործված հայելիներով ու ոսպնյակներով, առջևի ու ետևի բամպերներով: Իսկ ինչ վերաբերվում է ինտերիերին, այն բավականին վերափոխված է: Այս անգամ Mersedes-ը նոր մոդելի ձևավորման մեջ օգտագործել է 11 տեսակ կաշի, 3 տեսակ փայտ և բնածուխ: Կատարելագործվել է նաև կենտրոնական բարձակը. կենտրոնում նոր գունավոր TFT էկրան է ավելացել, որը թույլ է տալիս միաժամանակ կարգավորել նավիգացիան և երաժշտությունը: Նախորդ տարիներին արտադրված G 500-ների համեմատ նոր տարբերակում էկրանն ավելի բարձր է տեղադրված, ինչը վարորդին հնարավորություն է տալիս առանց ճանապարհից շեղվելու կարգավորել այն: Փոփոխվել է նաև ղեկը, որը համալրվել է նոր COMMAND մուլտիմեդիա համակարգով: Ամենագնացը հագեցել է նաև ձայնային կարգավորումներով. Bluetooth համակարգով, DVD չեյնջերով, Harman Kardon Logic 7-ով (16 դինամիկ), որոնք հիանալի ձայն ու հնչողություն են ապահովում:

Ետևի նստարանները ծալելու դեպքում բեռնախցիկը կարող է տեղավորել 2250կգ բեռ: Մեքենայի առավելությունների ցանկը համալրում են ետևի տեսախցիկն ու առանց թերությունների աշխատող Cruise Control համակարգը: Առջևի նստարանները թեև համալրվել են տաքացվող, հովացվող և մերսման համակարգերով, այնուամենայնիվ շարունակում են փոքր-ինչ չոր ու անհարմար լինել, հատկապես երկար ճանապարհ գնալու դեպքում:
Այս մեքենայի սրահում կարծես ուրիշ աշխարհում լինես. ամեն ինչ այնքան հուսալի է, որակյալ և միևնույն ժամանակ պարզ...

Այս հրաշք ավտոմեքենան գրեթե անգերազանցելի է ճանապարհներին, չնայած, որ 2.5 տոննա է կշռում: 100 կմ/ժ արագության հասնում է 6.1 վրկ.-ում, առավելագույն արագությունը 210կմ/ժ է, շարժիչի հզորությունը՝ 388 ձիաուժ: Քաղաքում և մայրուղիների վրա վառելիքի ծախսը գրեթե նույնն է՝ 18-20լ 100 կմ-ի համար հանգիստ ընթացքի դեպքում, իսկ ամեն 10կմ/ժ արագացնելու դեպքում 2լ -ով ավելանում է վառելիքի ծախսը: Ամեն դեպքում քառակուսի G -class-ը քամու ուղղությանը հակառակ տանելը բավականին բարդ գործ է:
Վստահաբար կարելի է ասել, Mercedes G 500-ի կատարյալ է ոչ իր տեխնիկական ցուցանիշներով, հարմարավետ սրահով կամ վերը նշված մյուս բնորոշումներով, այլ նրանով, որ այն ուղղակի գոյություն ունի...