Ferrari –ն ներկայացրել է մակնիշի ողջ պատմության ընթացքում արտադրված ամենաարագ ռոդստերը
Փարիզի ավտոսրահում Ferrari ընկերությունը ցուցադրել է իր պատմության ընթացքում արտադրված ամենահզոր ռոդստերը, որը կրում է 458 Speciale A անվանումը:
Նոր սպորտքարը կթողարկվի սահմանափակ քանակությամբ՝ ընդամենը 499 օրինակով: Կառուցվածքային առումով այս մոդելը 458 Speciale A ստանդարտ մոդելի կոշտ տանիքով տարբերակն է: Այն հագեցած է 4.5 լիտր աշխատանքային ծավալ ունեցող ատմոսֆերային V8 շարժիչով, որն ապահովում է 605 ձիաուժ հզորություն (9000 պտույտ/րոպե) և 540 ն/մ (6000 պտույտ/րոպե):
Շքեղ ավտոմեքենան 1350 կգ է կշռում, ինչը 50 կգ-ով ավելի է կուպեից: Պատճառը ծալվող մեխանիզմով տանիքն է, որի բացվել-փակվելը ընդամենը 14 վայրկյան է խլում: 100 կմ/ժ արագության ռոդստերը հասնում է 3 վայրկյանում, իսկ 200 կմ-ի սահմանը հատում է 9.5 վայրկյանում:
458 Speciale A-ն աննախադեպ արագությունից բացի մակնիշի մյուս մոդելների շարքում առանձնանում է հիանալի աերոդինամիկայով, ինչն ապահովում են ակտիվ սպոյլերներն ու օժանդակ էլեկտրոնիկան:
 Նշենք , որ այս Ferrari –ի ցուցադրությունը Փարիզում դարձավ վերջինը ընկերության ներկայիս ղեկավարի կարիերայում. Լուկա դի Մոնտեզեմելոն հոկտեմբերի 13-ին ընկերության նկատմամբ իր բոլոր լիազորությունները կհանձնի նոր ղեկավարին՝ Սերգիո Մարկիոննեին, ով հանդիսանում է նաև Fiat Chrysler Automobiles կոնցեռնի տնօրենը:
Այլ նորություններ
|
