Հազվագյուտ Lamborghini Sogna-ն վաճառքի է հանվել 2,5 մլն եվրոյով
Դժվար է հանդիպել Sogna անվանը իտալական ավտոընկերության պատմության վերաբերյալ նյութերում: Lamborghini -ի մոդելային շարքում նման մեքենա չկա. այս նախագծի հեղինակը իտալական մոդացված մի ատելյե էր, որը այս մեքենայի ընդամենը մեկ օրինակ կարողացավ կյանքի կոչել:
Lamborghini Sogna -ն հասարակությանը շուրջ 20 տարի առաջ է ներկայացվել: 1991թ. Art&Tech ատելյեն պլանավորել էր սահմանափակ թվով արտադրել այս սուպերքարից և վաճառել դրանցից յուրաքանչյուրը այն ժամանակվա համար չլսված 1,6 մլն դոլարով: Կառուցվածքային առումով մեքենան իրենից ներկայացնում է Lamborghini Countach մոդելի (5 լիտրանոց 455 ձիաուժանոց շարժիչով) մեկ այլ թափքով տարբերակը:
Նախագիծն իրականացնելու համար բավական մեծ ներդրումներ էին անհրաժեշտ, որոնք ընկերությանը ամբողջությամբ հայթայթել չհաջողվեց: Այդ էր պատճառը, որ թողարկվեց ընդամենը 2 օրինակ այս մեքենայից, որոնցից մեկի վրա նույնիսկ շարժիչ չտեղադրվեց:
Աշխարհում միակ ամբողջական Lamborghini Sogna-ն, որն ընդամենը 1800 կմ է վարվել, այսօր վաճառքի է հանվել: Ներկայիս տերը նրա համար 2 380 000 եվրո է պահանջում:
Այլ նորություններ
|
Վիդեո
|
