Hyundai Genesis նոր սեդանը գաղտնազերծված է
Օրերս կորեացիները վերջնականապես գաղտնազերծել են երկրորդ սերնդի Genesis սեդանը, որի լրտեսական լուսանկարները վաղուց հայտնվել էին համացանցում: Նորույթը նախորդ մոդելից տարբերվում է ոչ միայն դիզայնով, այլև մի շարք տեխնիկական օպցիաներով:
Այսպես, նոր սեդանն ավելի ընդարձակ է ստացվել նախորդից, երկարությունը 4990 մմ է, լայնությունը՝ 1890, բարձրությունը՝ 1480մմ: Այն բոլորովին նոր արտաքին տեսք է ստացել: Առաջին հերթին աչքի է զարնում խոշոր փոքր-ինչ առաջ եկած ռադիատորային ցանցը, փոփոխվել են մոդելի ողջ սիլուետն ու օպտիկան: Ընդհանուր առմամբ մոդելի նոր տարբերակը բավականին սոլիդ տեսք ունի:
Սրահում նույնպես ամեն ինչ նոր է, Hyundai Genesis-ը ներքին հարդարման նոր եղանակ է ստացել, այստեղ բոլորովին նոր նյութեր են օգտագործվել:
Ինչ վերաբերվում է 2-րդ սերնդի Genesis-ի շարժիչային շարքին, ապա այն ստացել է 3՝ 257, 282 և 315 ձիաուժ հզորությամբ V6 շարժիչներ, ինչպես նաև 5 լիտրանոց V8՝ 425 ձիաուժ հզորությամբ (519 Ն/մ, 0-100 կմ/ժ 5,4 վրկ-ում): Բոլոր շարժիչներն աշխատում են 8 աստիճան ավտոմատ փոխանցման տուփերի օգնությամբ:
Իսկ, թե երբ վաճառքում կհայտնվի նոր Hyundai Genesis սեդանը, դեռևս հայտնի չէ: .jpg)
Այլ նորություններ
|
Վիդեո
|
