Ավտոաշխարհի նորույթները Լոս Անջելեսի և Տոկիոյի ցուցահանդեսներում
(Շարունակություն)
Այս օրերին աշխարհի 2 խոշոր քաղաքներում ՝ Լոս Անջելեսում և Տոկիոյում շարունակվում են ավտոցուցահանդեսները, որտեղ հանրահայտ բրենդերի նորույթներն են ներկայացվում:
Նախորդ հոդվածում անդրադարձանք ամերիկյան ցուցահանդեսի լավագույն նորույթներիn, այժմ ներկայացնենք Տոկիոյի ավտոսրահում ցուցադրվող առավել ուշագրավ և հետաքրքիր մեքենաները: Արդեն նշվել է, որ այստեղ մեծ թվով կոնցեպտ մեքենաներ են ներկայացված: Հիմնական ուշադրությունն ուղղված է հարազատ՝ Toyota, Lexus, Nissan, Honda, Suzuki, Subaru ընկերությունների արտադրանքին, քիչ չեն նաև եվրոպական նորույթները:
Ճապոնական Honda ավտոարտադրող ընկերությունը ցուցասրահում կներկայանա նոր կրոսսովերով. խոսքը Urban SUV Concept-ի սերիական տարբերակի մասին է:
Honda Urban SUV Concept
Եվս մեկ սերիական մոդել կցուցադրի Lexus -ը: Lexus RC սպորտկուպեն պատրաստված է IS մոդելի հիմքի վրա: Այն առաջարկվում է 2 մոդիֆիկացիաներով. RC 350 տարբերակը կստանա 3,5 լիտրանոց V6 շարժիչ, իսկ մյուսը հիբրիդային տարբերակն է՝ RC 300h-ը, որի դեպքում 2,5 լ շարժիչին միանում ՝ բավական հզոր էլեկտրոշարժիչը:
Lexus RC
Եվրոպայից հյուրընկալված մեքենաների շարժում ամենանշանակալիցը Porsche Panamera-ն է՝ Turbo S և Turbo Executive տարբերակներով: Նորացված Panamera Turbo S-ը նախորդից տարբերվում է փոփոխված առջևի բամպերով, ավելի խոշոր օդամղիչով և այլ լուսադիոդային լուսարձակներով: Ետնամասում նոր 5-րդ դուռ է հայտնվել, որի վրա մեծ հատված է զբաղեցնում ապակին: Porsche Panamera Turbo-ի վրա տեղադրվել է 4,8 լիտրանոց V8 երկտուրբին ագրեգատ՝ 570 ձիաուժ հզորությամբ: 100 կմ/ժ արագության մեքենան հասնում է 3,8 վրկ-ում, իսկ մաքսիմալ արագությունը 310 կմ/ժ է:
Porsche Panamera Turbo S
Ամենահետաքրքիր մոդելը ներկայացված է Toyota ընկերության կողմից. FV2-ը փոխադրամիջոցի բոլորովին նոր տեսակ է: Ըստ ճապոնացիների, այն մարդու և տեխնիկայի կատարյալ միաձուլումն է: Առանց ղեկի ու նստարանի այս մեքենան կարող է հասկանալ վարորդի տրամադրությունն ու ղեկավարվել ձայնային հրամաններով:
Toyota FV2
Subaru LEVORG Concept
Suzuki Crosshiker concept
Mitsubishi Concept
Nissan BladeGlider Concept
Daihatsu Kopen Concept
Toyota FCV-R concept
Այլ նորություններ
|
Վիդեո
|
