Mercedes-ը դադարեցնում է SLS AMG սպորտքարի արտադրությունը

Ավտոաշխարհի 2 խոշոր իրադարձությունների՝ Լոս Անջելեսի և Տոկիոյի ցուցահանդեսների նախօրեին Mercedes-Benz ընկերությունը պաշտոնական հայտարարություն է արել այն մասին, որ SLS AMG մոդելի այս տարվա թողարկմամբ կավարտվի նրա պատմությունը: Վերջին SLS AMG-ն կկրի GT Final Edition  մոդիֆիկացիան և կարտադրվի 350 օրինակով:

Սա SLS AMG մոդելը պատվիրելու վերջին հնարավորությունն է, մեքենան կարելի է պատվիրել ինչպես կուպե, այնպես էլ բաց՝ կաբրիոլետ տարբերակով: Սպորտքարը կրում է 6,3 լիտրանոց V8 շարժիչ, որը 591 ձիաուժ հզորություն է ապահովում, այն աշխատում է 7-աստիճան AMG Speedshift DCT ավտոմատ փոխանցման տուփի հետ: Կանգնած վիճակից 100 կմ /ժ արագության մեքենան հասնում է ընդամենը 3,7 վայրկյանում:

Final Edition տարբերակը էքստերիերի և ինտերիերի ձևավորման հարցում որոշ դետալներով ու լուծման ձևերով տարբերվում է ստանդարտ SLS AMG մոդելից, այստեղ նորույթ  են ածխապլաստիկայից արված ծածկն ու առջևի սպլիտտերը, փոփոխված բամպերներն ու հայելիները:

Mercedes-Benz SLS AMG GT Final Edition մոդելի վերաբերյալ բոլոր մանրամասները կբացահայտվեն նոյեմբերի 20-ին: SLS AMG-ի արտադրությունը վերջնականապես կդադարեցվի 2014թ. գարնանը: Նրան փոխարինելու կգա  С190 կոդային անվանումը կրող նոր մոդել, որը հավակնում է դառնալ Porsche 911 -ի մրցակիցը:

Что делать, если в дороге сел аккумулятор? Как его зарядить в пути? Бывают ли мобильные услуги по зарядке аккумуляторов?

Выбор запчастей для автомобиля: оригинал или реплика?

В чем выгода долгосрочной аренды авто с выкупом

Как бесплатно проверить историю авто из США