Որոնք են ամենաանվտանգ մեքենաները
Մեքենա գնելիս մարդկանց մեծ մասը առաջին հերթին ուշադրություն է դարձնում տեխնիկական և կատարողական ցուցանիշներին, այնուհետև դիզայնին ու վառելիքի ծախսին: Սակայն մեզնից քչերն են մտածում մեքենայի ապահովության մասին, մոռանալով, որ դրանով հաճախ մեր երեխաներին ենք տեղափոխում: Անկասկած, մեքենայի ընտրության հարցում առաջնությունը պետք է տրվի նրա ապահովությանը:
Աշխարհում գոյություն ունի ամենաանվտանգ մեքենաների ռեյտինգ, չնայած, որ դրան քչեր են ուշադրություն դարձնում: Իրականում անվտանգ է համարվում թանկարժեք ավտոմեքենան: Էժանագին մեքենան ուղղակի չի կարող լինել անվտանգ, քանի որ, չի կարող իրեն թույլ տալ ունենալ բարձրակարգ անիվներ, արգելակման համակարգ, անվտանգության բարձիկներ և այլն:
Հանրահայտ Forbes ամսագիրը երկար ուսումնասիրություններից հետո առանձնացրել է 2012թ. առավել անվտանգ 3 մեքենաները.
.jpg)
Audi A6 -ը գլխավորում է այս ցուցակը. բավականին գրավիչ տեսք, հարմարավետ սրահ՝ մեծ թվով անվտանգության բարձիկներով , ինչպես նաև անվտանգությունն ապահովող տարբեր համակարգեր:
E դասի Mercedes-Benz-ը փոքր-ինչ զիջում է Audi-ին. նրա անվտանգությունն ապահովում են գերզգայուն լուսարձակները և բազմաթիվ բարձիկները՝ տեղադրված ինչպես առջևից, այնպես էլ հետևից:
.jpg)
3-րդ տեղում է Volvo S60-ը. Ինչպես հայտնի է, Volvo -ն միշտ էլ մեծ կարևորություն է տվել իր մեքենաների անվտանգությանը: Այս մոդելը նույնպես ունի բարձր տեսողականություն ապահովող լուսարձակներ, անվտանգության տարբեր համակարգեր: Բացի այդ, մեքենան ավտոմատ կերպով արգելակում է հետիոտնի հայտնաբերելիս:
Նշված 3 ավտոմեքենաները համարվում են առավել անվտանգը աշխարհում: Այսուհետ մեքենա ընտրելիս 1-ին հերթին ուշադրություն դարձրեք նրա անվտանգությանը, հետո միայն տեսքին ու տեխնիկական ցուցանիշներին:
Այլ նորություններ
|
Վիդեո
|
