S-դասի ամենահզոր Mercedes-ը. պաշտոնական լուսանկարներ
Mercedes-Benz ընկերությունը հրապարակել է S 65 AMG սեդանի ամենահզոր մոդելի 1-ին լուսանկարները: Մեքենայի պաշտոնական ցուցադրությունը կկայանա միանգամից 2 ցուցահանդեսներում՝ Տոկիոյում և Լոս Անջելեսում:
Երկար սպասված Mercedes-Benz S 65 AMG-ն կրում է բիտուրբինային V12 շարժիչ՝ 630 ձիաուժ հզորությամբ և առավելագույն 1000 Ն/մ պտուտային մոմենտով: Շարժիչն աշխատում է 7-աստիճան Speedshift Plus 7G-Tronic ավտոմատ փոխանցման տուփի հետ: Սեդանը ուժային ագրեգատի շնորհիվ կանգնած վիճակից կարող է 100 կմ/ժ արագության հասնել 4,3 վայրկյանում, մաքսիմալ արագությունը 250 կմ/ժ է, ինչը սահմանափակվում է էլեկտրոնիկայով:
Արտադրողները հավատացնում են, որ մոդելը վառելիքի նվազագույն ծախս կգրանցի՝ մոտավորապես 12լ 100 կմ-ի համար, ինչը հիանալի ցուցանիշ է նման հզորության շարժիչի առկայության դեպքում:
Բացի այդ, Mercedes-Benz S 65 AMG-ն հագեցած է Magic Body Control համակարգով, որի շնորհիվ մեքենան ավտոմատ կերպով հարմարվում է ճանապարհային պայմաններին, ինչպես նաև ESP Dynamic Cornering Assist համակարգով, որն էլ օգնում է կտրուկ շրջադարձ կատարելիս:
Արտաքինից S 65 AMG այս մոդիֆիկացիան սովորական ֆլագմանային սեդանից տարբերվում է այլ ռսդիատորային ցանցով, ավելի խոշոր օդամղիչներով, արտանետման համակարգի խողովակներով, փոփոխման են ենթարկվել նաև բամպերները:
S 65 AMG սեդանը Եվրոպայում կարժենա 232 050 եվրո...
Այլ նորություններ
|
Վիդեո
|
