Bugatti-ի նորույթը. Veyron Grand Sport Vitesse Meo Costantini
Bugatti -ն շարունակում է Veyron Grand Sport Vitesse հատուկ մոդելների թողարկումը, որոնք նվիրված են բրենդի պատմության մեջ կարևոր դեր ունեցած մարդկանց հիշատակին: Հերթական, թվով 3-րդ մոդելը պատրաստվել է իտալացի մրցարշավորդ Bartolomeo Costantini-ի պատվին:
Կոստանտինիի պատմությունը Bugatti -ում սկսվել է 1923թ., նա 2 անգամ(1925թ. և 1926թ.) հաղթող է ճանաչվել Targa Florio մրցարշավում՝ լեգենդար Type 35-ի ղեկին: Կոստանտինին ընկերության մրցարշավային բաժնի ղեկավարն է եղել մինչև 1935թ.:
Veyron Grand Sport Vitesse Meo Costantini-ն տարբերվում է էքստերիերի երկնա-մոխրագույն գունավորմամբ: Մեքենայի դիզայնն ամբողջությամբ արված է մրցավազքային թեմատիկայով: Ինտերիերում հանդիպում է նաև Կոստանտինիի ստորագրությունը:
Veyron Grand Sport Vitesse Meo Costantini մոդելը Bugatti-ն կթողարկի ընդամենը 3 օրինակով, որոնցից յուրաքանչյուրը կարժենա մոտավորապես 2 մլն եվրո:
Այս յուրօրինակ հիբերքարի պաշտոնական դեբյուտը կկայանա Դուբայի ավտոցուցահանդեսում:
