Porsche ընկերությունը հրապարակել է նորացված Panamera Turbo S հեչբեքի լուսանկարները: Այն կներկայացվի այս ամիս Տոկիոյում կայանալիք ավտոցուցահանդեսում:
Արտաքինից փոփոխությունները շատ չեն: Նորացված Panamera Turbo S-ը նախորդից տարբերվում է փոփոխված առջևի բամպերով, ավելի խոշոր օդամղիչով և այլ լուսադիոդային լուսարձակներով: Ետնամասում նոր 5-րդ դուռ է հայտնվել, որի վրա մեծ հատված է զբաղեցնում ապակին:
Porsche Panamera Turbo S-ի վրա տեղադրվել է 4,8 լիտրանոց V8 երկտուրբին ագրեգատ՝ 570 ձիաուժ հզորությամբ: Դինամիկ ցուցանիշները նույնն են. 100 կմ/ժ արագության մեքենան հասնում է 3,8 վրկ-ում, իսկ մաքսիմալ արագությունը 310 կմ/ժ է:
Ռուսաստանում Porsche Panamera Turbo S-ը կարժենա 10 711 000 ռուբլի:
