Հազվագյուտ Lotec Mercedes C1000-ը վաճառքի է հանվել
Ամերիկյան Շառլոտտա քաղաքում հոկտեմբերի 31-ին կբացվի RK Motors ընկերության հատուկ ցուցահանդեսը, որտեղ կենտրոնական նմուշը կինի աշխարհում միակ Lotec Mercedes-Benz C1000 հիպերքարը: 1995թ. երբ պատրաստվեց այս ունիկալ մեքենան, այն հանդիսանում էր աշխարհի ամենաարագընթաց ճանապարհային մեքենան, այսօր՝ գրեթե 20 տարի անց, նրա հակառակորդները շատ չեն ավելացել: Մաքսիմալ արագությունը 431 կմ/ժ է, այսինքն ավելի արագ , քան Bugatti Veyron Super Sport-ը:
Գերմանական Lotec ընկերությունը կառուցեց այս երկտեղանոց կուպեն անանուն պատվիրատուի համար և տեղադրեց նրա վրա 5,6 լիտրանոց V8 շարժիչ Mercedes-Benz-ից: Երկտուրբին շարժիչի հզորությունը 1000 ձիաուժ է կազմում, ինչը Hewland 6 աստիճան փոխանցման տուփի հետ ապահովում է 2,8 վրկ-ում 100 կմ/ժ արագության հասնելը: Եվ այս ամենը 1995թ...
Եվ չնայած Lotec Mercedes-Benz С1000 -ի կառուցումը տիրոջ համար աստղաբաշխական գումար է կազմել՝ 3,4 մլն դոլար, սակայն աճուրդում մեքենայի սկզբնական գինը կազմում է 1 մլն:
Սպասենք աճուրդի արդյունքներին, և տեսնենք, թե ով է դառնալու այս յուրօրինակ հիպերքարի նոր սեփականատերը:
Այլ նորություններ
|
Վիդեո
|
