Honda-ն պատրաստվում է Տոկիոյի ավտոցուցահանդեսում, որը տեղի կունենա 1 ամսից, ներկայացնել նոր կոնցեպտ՝ S660 անվամբ: Ինչպես նշում են ճապոնացիները, ոչ խոշոր այս ռոդստերը բավական ցածր գին կունենա:
Նմանատիպ մեքենա ընկերությունն ունեցել է՝ Beat մոդելը, որը արտադրվում էր 1991-96 թթ: Սակայն այն բավականաչափ պահանջարկ չունեցավ և հանվեց արտադրությունից: Honda-ի ղեկավարները հույս ունեն, որ նոր մոդելը դուր կգա գնորդներին ու այլ ճակատագիր կունենա:
Ենթադրվում է, որ S660 Concept-ը կստանա 660 սմ3 ծավալով շարժիչ, որը 60-65 ձիուժ հզորություն կունենա, ինչը թեթև ռոդստերի համար այդքան էլ քիչ չէ: Մեքենան կառաջարկվի նաև 100-120 ձիաուժ հզորությամբ շարժիչով:
