Lamborghini Veneno սուպերքարը վեր է ածվել ռոդստերի
Ահա Veneno ռոդստերի 1-ին լուսանկարը: Հանրահայտ հիպերքարի բաց տանիքով տարբերակի թողարկումը նվիրված է Lamborghini-ի հոբելյանին:
Ի դեպ, մոդելը խիստ սահմանափակ քանակությամբ՝ ընդամենը 9 օրինակով է արտադրվելու:
Ինչպես և փակ տանիքով տարբերակը, Veneno Roadster-ը ստեղծվել է Lamborghini Aventador-ի հիման վրա և համալրված է 6.5 լիտր տարողությամբ V12 շարժիչով, որի հզորությունը կազմում է 750 ձիաուժ: Այն աշխատում է 7-աստիճան ISR փոխանցման տուփով:
Lamborghini Veneno Roadster-ը 100 կմ/ժ արագության է հասնում ընդամենը 2.8 վարկյանում, իսկ առավելագույն արագությունը 355 կմ/ժ է:
Թանկարժեք մեքենան, որի գինը կազմում է 3,3 մլն եվրո, կսկսեն արտադրել 2014թ.:
Սուպերքարի արտաքին տեսքին ծանոթացեք՝ դիտելով ստորև ներկայացված լուսանկարները.
