Porsche-ն նոր կրոսսովեր է թողարկել
Նոյեմբերին Լոս Անջելեսում կայանալիք ավտոցուցահանդեսում Porsche ընկերությունը կցուցադրի իր նոր կրոսսովերը, որը Macan անվանումն է ստացել: Ինչպես երևում է պաշտոնական լուսանկարներից, նորույթը գրեթե ամբողջությամբ իր ՛՛ավագ եղբոր՛՛ ՝ այսինքն Porsche Cayenne-ի կրկնությունն է: Հիմնական տարբերությունը Macan-ի, ինչը թարգմանաբար վագր է նշանակում, առավել ագրեսիվ ՛՛դեմքն՛՛ է, ավելի դինամիկ ուրվագիծը և, իհարկե, կոմպակտ չափերը:
Նորույթը , որի կոնցեպտը կրում էր Cajun անվանումը, կառուցվում է նույն պլատֆորմի վրա , ինչ Audi Q5-ը, սակայն նրանից 130 կգ-ով թեթև է ՝ շնորհիվ ալյումինի ավելի լայն կիրառման:
Ավելի վաղ մենք անդրադարձել ենք Porsche Macan -ին, խոսել նրա հնարավոր ուժային ագրեգատների մասին: Այժմ հայտնի է դարձել, որ վաճառքի սկզբում բազային տարբերակի հիմքը կկազմի 257 ձիաուժ հզորությամբ դիզելային շարժիչը, բայց Macan -ը կստանա նաև 2 բենզինային շարժիչ: Macan S-ը կհամալրվի 3.0լ աշխատանքային ծավալով V6 շարժիչով (340 ձիուժ), իսկ ամենաթանկարժեք Macan Turbo մոդելը կստանա 3.6 լ 400 ձիաուժանոց հզոր շարժիչ:
Macan-ի բոլոր մոդիֆիկացիաները կլինեն լիաքարշակ, իսկ փոխանցման տուփը կփոխառնվի նրա ազգականից՝ 911 մոդելից:
Porsche Macan-ի համաշխարհային դեբյուտը կկայանա 1 ամսից, իսկ մասսայական արտադրությունը կսկսվի դրանից 1 ամիս անց:
Այլ նորություններ
|
Վիդեո
|
