Բրիտանական հանրահայտ ընկերությունը, որ հայտնի է սպորտային մեքենաների արտադրությամբ, պատրաստվում է ամենագնաց արտադրել: Նրանք նման փորձ արել են նաև 2009թ.՝ Ժնևյան ցուցահանդեսում ցուցադրելով Lagonda կոնցեպտը:
Այն Aston Martin-ի երկրպագուների մոտ հակասական զգացումներ առաջացրեց: Խոսքը ոչ միայն արտասովոր դիզայնին էր վերաբերվում, այլև մեքենայի հիմքը հանդիսացող պլատֆորմին, որը վերցված էր Mercedes-Benz GL մոդելից:
Ամենագնացի հարցում Aston Martin-ը դարձյալ կշարունակի համագործակցությունը Mercedes-Benz -ի հետ:
Ի դեպ, հնարավոր է Aston Martin ամենագնացը ամենևին էլ չկրի հանրահայտ բրենդի անվանումը: Ավելի շուտ հատուկ այս մեքենայի համար կվերածնվի Lagonda բրենդը (Mercedes-Benz ընկերությունը նույն կերպ վարվեց Maybach-ը թողարկելիս):
Ամեն դեպքում ընկերությունը բավականաչափ ժամանակ ունի մեքենայի անվան հարցում որոշում կայացնելու համար: Ամենագնացը շուկայում կհայտնվի 2017թ.-ից ոչ շուտ:
.jpeg)
