BMW i ընտանիքը կհամալրվի նոր մոդելով
2015թ. BMW i էկոլոգիական ընտանիքում նոր անդամ կհայտնվի, որը կլինի թվով 3-ը: Հայտնի է նաև, որ այն կստանա i5 ինդեքսը: Ինչ վերաբերվում է դասային պատկանելությանը, ապա նշենք, որ բավարիացիներն այժմ 2 տարբերակ են քննարկում, նոր մեքենան կլինի կամ միջին չափերի սեդան, կամ էլ ընտանեկան մինիվեն: Այս տարբերակներից որին կտրվի նախապատվությունը՝ դեռ հայտնի չէ:
Բացի i5-ից, BMW-ն պատրաստվում է թողարկել նաև i3 Coupe և i8 Spyder կոնցեպտների ընտանեկան տարբերակները: Ընդ որում, լույս աշխարհ գալու ավելի մեծ շանսեր ունի 360 ձիաուժ հզորությամբ հիբրիդային ռոդստերը, որը 2012-ին արժանացել է ՛՛Տարվա լավագույն կոնցեպտ՛՛ անվանակարգին:
Այնպես որ սպասենք նոր BMW i5-ին՝ i3-ի նման տնտեսող, i8-ի արտաքինով ու հարմարավետությամբ միջին չափերի էկոլոգիական մեքենային, որն ակնհայտ մեծ ուշադրության է արժանի:
Այլ նորություններ
|
Վիդեո
|
