Նոր Volvo XC90-ը կարող է ընթանալ նաև առանց վարորդի
Մանրամասներ են հայտնի դարձել սերիական արտադրության պատրաստվող Volvo XC90 ամենագնացի մասին: Այն կներկայացվի 2014-ին:
Նորույթի դիզայնը կարվի Volvo Concept Coupe-ի ոճով, որ ներկայացվել է Ֆրանկֆուրտում այս տարվա սեպտեմբեր ամսին: Այն խառնվածքային ռադիատորային ցանց կստանա և Т- ձև լուսադիոդային լուսարձակներ:
 
Volvo XC90 -ը կկառուցվի նոր SPA պլատֆորմի վրա, ինչը մեքենայի քաշը կնվազեցի 150 կգ-ով, ՛՛downsizing՛՛ շարժիչները վառելիքի նվազագույն ծախս են նախատեսում: Ամենագնացների վրա կտեղադրվեն 4-գլանային դիզելային շարժիչներ, որոնք որոշ տարբերակներում կհամադրվեն էլեկտրոշարժիչի հետ:
Volvo -ի գրեթե բոլոր մեքենաների համար ստանդարտ դարձած համակարգերից բացի, ինչպիսիք են հետիոտների, այլ մեքենաների ու հեծանվորդների հետ բախումից խուսափելը, նոր ամենագնացը նոր համակարգով հագեցած կլինի. մեքենան հնարավորություն կստանա ինքնուրույն ընթանալ խցանումների ժամանակ կամ հետևել մյուս մեքենաներին: Անհրաժեշտություն չի լինի նույնիսկ, որ վարորդը ձեռքերում պահի ղեկը, բավական է միայն միացնել համապատասխան գործառույթը:
Նշենք, որ Volvo -ն 1 տարի առաջ փորձարկել է նման տեխնոլոգիա SARTRE անվամբ, ինչը դրական արդյունք է գրանցել:
Այլ նորություններ
|
Վիդեո
|
