Նոր Audi Q7-փորձարկումները սկսված են
Audi Q7-ի նոր սերունդը կներկայացվի 2014թ. երկրորդ կեսին ( իսկ վաճառքում ամենայն հավանականությամբ կհայտնվի 2015-ին), բայց գերմանացիներն արդեն սկսել են նորույթի փորձարկումները:
Audi Q7-ը 1-ին անգամ ներկայացվել է Ֆրանկֆուրտում 2005թ. : Չնայած շուկա դուրս գալու պահին մոդելը լավագույններից էր իր դասի մեջ և կարող էր պարծենալ իր մի շարք նորարարական տեխնոլոգիաներով (այդ թվում Side Assist), սակայն արտադրողներն իրենք էլ խոստովանում են, որ մոդելը հնացել է այս 8 տարիների ընթացքում և հասունացել է Q7-ը նորովի ներկայացնելու ժամանակը:
Նոր Audi Q7-ի տեսքը քննարկելու համար բավարար տեղեկություններ չկան, սակայն որոշ մանրամասներ հայտնի են տեխնիկական նկարագրի վերաբերյալ: Q7-ի նոր սերնդի մոդելի հիմքը կդրվի նոր MLB պլատֆորմի վրա, որը Volkswagen կոնցեռնը պատրաստել է հատուկ խոշոր մեքենաների համար, ինչպիսիք են Audi Q7, Volkswagen Touareg, Bentley ամենագնացը:
Նոր պլատֆորմը 2-րդ սերնդի Q7-ի քաշը կթեթևացնի 350-370 կգ-ով, ինչն էլ իր հերթին կլավացնի մեքենայի կառավարելիությունն ու կնվազեցնի վառելիքի ծախսը:
Բազային տարբերակը կստանա 3,0լ աշխատանքային ծավալով V6 դիզելային շարժիչ (258 ձիաուժ): Ավելի մեծ հզորություն նախընտրողներին մեքենան կառաջարկվի դիզելային 4,2 լիտրանոց 385 ձիաուժ հզորությամբ շարժիչով: Կլինեն նաև հիբրիդային ագրեգատներ, այս տարբերակում 3,0 լիտրանոց դիզելային շարժիչը կաշխատի 115 ձիաուժ ապահովող էլեկտրոշարժիչի հետ:
Audi Q7-ը կթողարկվի նաև բենզինային շարժիչներով՝ 310-435 ձիաուժ հզորությամբ: Բացի այդ կլինեն նաև ՛՛ լիցքավորված՛՛ տարբերակներ՝ շուրջ 500-600 ձիաուժ հզորությամբ:
Այլ նորություններ
|
Վիդեո
|
