Կորեացիները մանրէների օգնությամբ բենզին են ստեղծել
Հարավային Կորեայում գիտնականներին հաջողվել է ստեղծել գենետիկորեն ձևափոխված մանրէներ, որոնցից կարելի է բենզին ստանալ:
Կորեական Առաջադեմ գիտությունների ու տեխնոլոգիաների ինստիտուտում ստացված մանրէները կարող են կլանել գլյուկոզան ու այն վերածել բենզինի: Ինչպես հայտնում է գիտական խմբի ղեկավար Լի Սան Օբը, նոր մեթոդի էֆեկտիվությունը դեռևս ցածր է՝ մանրէներով հագեցած 1 լիտր լուծույթից 580 մգ բենզին է ստացվում: Գիտնականների գործունեությունն այժմ ուղղված է դրա էֆեկտիվությունը բարձրացնելու նոր ուղիների հայտնագործմանը:
Նշենք նաև, որ վառելիք ստանալու այլընտրանքային եղանակ հայտնագործելու փորձ ունեն նաև ամերիակացի գիտնականները, որոնք դեռևս 2010թ. փորձել են բենզին ստանալ կենցաղային աղբի մնացորդներից: Նրանց գիտափորձերն այսօր էլ շարունակվում են:Ամերիկացի գիտնականների տվյալներով արհեստական բենզինի գինը ապագայում խիստ կնվազի՝ 1 բարել(մոտ 160 լիտր) բենզինը կարժենա 50 դոլար: