Ընկերությունը հայտարարել է մի նոր արտասովոր նախագծի՝ գերհզոր երկդռնանի Genesis-ի մասին,որի ցուցադրությունը կկայանա Լաս Վեգասում նոյեմբերի 5-ին: Նորույթի նախագծման հարցում Hyundai-ն համագործակցում է Bisimoto Engineering ամերիկյան նշանավոր տյունինգային ընկերության հետ:
Ընդհանուր օգտագործման ճանապարհների համար նախատեսված այս մեքենան խելահեղ հզորությամբ ապահովված կլինի. 3.8 լիտր ծավալով V6 շարժիչը 1013 ձիաուժ հզորություն կհաղորդի:
Գրավիչ մոդելի առանձնահատկությունների շարքում են էքստերիերում կապույտ ու սև գույների համադարութունը, կարբոնային սպոյլերը, 20-դյույմանոց ալյումինե սկավառակները՝ Toyo R888 R-Compound անվադողերով:
Genesis Coupe -ի խիստ խառնվածքին համապատասխան՝ մասնագետները կհամալարեն այն անվտանգության կարկասով, սպորտային նստատեղերով, ինչպես նաև մի փոքր ՛՛առաջ եկած՛՛ Racepack IQ3 կառավարման վահանակով:
Սպասենք Լաս Վեգասի ցուցահանդեսին, որտեղ ներկայացվելու են ամենահետաքրքիր , էքստրեմալ ու անսովոր մեքենաները: