Որոնք են վերջին տարիների ամենավատ մեքենաները
Օրերս հրապարակված ՛՛լավագույն ավտոմեքենաների՛՛ ցանկին ի պատասխան բրիտանական AutoExpress պարբերականը ներկայացրել է նաև վերջին 25 տարիների ամենավատ մեքենաների վարկանիշային ցուցակը: Այստեղ են հայտնվել մեքենաներ, որոնք առանձնանում են սարսափելի դիզայնով, նախնադարյան ու անորակ կառուցվածքով և այլ առանձնահատկություններով:
Վատագույն մեքենաների ցուցակի ՛՛պատվավոր՛՛ առաջին տեղը զբաղեցում է 2003թ. արտադրության Rover CityRover մոդելը: Սա մեռնող Rover ընկերության վերջին մեքենաներից մեկն էր (այժմ այս բրենդը չինացիներին է պատկանում): Անգլիացիներն իրենք այն անվանում են ՛՛ Բրիտանիայի խայտառակությունը՛՛:
Երկրորդ տեղում է ճապոնական Daihatsu Move մոդելի 1997թ. տարբերակը: Այս մեքենայի մասին նույնիսկ նրա գովազդային նշանաբանն է խոսում ՝ ՛՛ Տարօրինակ արտաքինից, խելացի՝ ներսից՛՛:
Ամենավատ մեքենաների ցուցակում երրորդ տեղը բաժին է հասել 1995թ. արտադրության Mitsubishi Carisma -ին: Այստեղ ականատես ենք լինում եվրոպացիների ուշադրությունը խոշոր մեքենաներով գրավելու ճապոնացի ավտոարտադրողների ձախողված փորձին:
Այնուհետև անհաջողակների շարքը լրացնում են Suzuki X- 90 (1995), Renault Avantime (2001):
Ահա վերձին 25 տարիների ամենավատ մեքենաների ցանկն ըստ AutoExpress-ի.
Rover CityRover (2003)
Daihatsu Move (1997)
Mitsubishi Carisma (1995)
Suzuki X-90 (1995)
Renault Avantime (2001)
Skoda Estelle (1988)
Lexus SC 430 (2001)
Nissan Serena (1992)
Citroen C3 Pluriel (2003)
Chrysler PT Cruiser Convertible (2005)
Այլ նորություններ
|
