Բրիտանացիները ներկայացրել են աշխարհի ամենաարագ մեքենան
Բրիտանական Keating Supercars ընկերությունը ներկայացրել է գերհզոր սուպերքարի մի կոնցեպտ, որը ստացել է The Bolt անվանումը: Արտադրողները հայտարարել են, որ այն արագության նոր ռեկորդ է սահմանելու՝ հաղթահարելով 540 կմ/ժ-ի սահմանը:
Նախ հիշեցնենք, որ այս ընկերությունը արագության ռեկորդակիրի փորձ արդեն ունեցել է. նրա արտադրած 1750 ձիաուժ հզորությամբ TKR կուպեն 2009թ. արժանացել է այդ պատվին՝ 416 կմ/ժ արագություն սահմանելով: Ավելի ուշ այդ արդյունքը գերազանցեցին Bugatti-ն և Hennessey-ն:
Նպատակացլաց Keating -ի նոր նախագիծը 1000 կգ քաշով McLaren P1-ի չափերով արված կարբոնային թափքով սուպերքարն է: Այն շարժի կգցվի General Motors արտադրության 7.0 լ ծավալով V8 շարժիչի շնորհիվ, որի հզորությունը՝ կախված The Bolt-ի մոդիֆիկացիայից, կհասնի 640, 750, 800, 1000 և ... նույնիսկ 2500 ձիաուժի:
Բրիտանացիները նպատակ ունեն ցանկալի ռեկորդը սահմանել հենց այս 2500 ձիուժանոց շարժիչով համալրված սուպերքարով, որը հետևի քարշակ է և աշխատում է 6 աստիճան մեխանիկական փոխանցման տուփով:
Keating -ը տեխնիկական ցուցանիշներին և գնին վերաբերվող մանրամասներ հայտնել է դեռևս միայն 800 ձիաուժանոց The Bolt-ի վերաբերյալ: Այն 100 կմ/ժ արագության է հասնում գրեթե 2 վայրկյանում,արժեքը շուրջ 900 000 եվրո է:
Այլ նորություններ
|
Վիդեո
|
