Mercedes-Benz -ը առանձնահատուկ GLA Edition 1 է պատրաստել
Գերմանական ընկերությունը ցուցադրել է GLA-ի 1-ին հատուկ տարբերակը: Կոմպակտ կրոսսովերի համար պատվերների ընդունումը կսկսվի նոյեմբերից, իսկ 1-ին օրինակները պատվիրատուներին կհասնեն 2014-ի գարնանը:
Mercedes-Benz GLA Edition 1-ը կառաջարկվի 12 ամսվա ընթացքում: Ինչպես և այլընտրանքային մյուս տարբերակները՝ A 45 AMG, CLA 45 AMG և նոր S-Class-ը, նոր մոդելը էքստերիերի ու ինտերիերի յուրօրինակ ձևավորում է ստացել: Այն առաջարկվում է 4 գույներով՝ ըստ գնորդի ընտրության, 19 դյույմանոց AMG սկավառակներով, բիքսենոն լուսարձակներով, տանիքի ալյումինե դետալներով և արտանետման համակարգի քրոմապատ միացումներով:
GLA Edition 1-ի ներքին հարդարման մեջ համադրվել են կաշվե սրահն ու ալյումինե դետալները:
Այս հատուկ տարբերակը կարելի է պատվիրել GLA շարքի ցանկացած շարժիչով: Ընդ որում Եվրոպայում Edition 1 տարբերակի դեպքում ընտրված մեքենայի արժեքին կավելանա ևս 6307 եվրո:
