Ֆրանկֆուրտի ավտոսրահի պատմությունը. լավագույն մեքենաները
Ֆրանկֆուրտյան ավտոսրահը, անկասկած, կարևորագույնն է ոչ միայն Եվրոպայում, այլև ողջ աշխարհում: Իրականում այն կոչվում է Die Internationale Automobil-Ausstellung (IAA) , այսինքն Միջազգային ավտոցուցահանդես:
Զարմանալի կթվա, բայց այն անց է կացվում 2 քաղաքներում՝ Մայնի Ֆրանկֆուրտում, որտեղ կենտ տարեթվերին ցուցադրվում են ավտոմեքենաներ (легковые) և Հաննովերում, որտեղ զույգ տարեթվերին ցուցադրվում են բեռնատար ավտոտեխնիկայի նորույթները: Ի սկզբանե ցուցահանդեսը Ֆրանկֆուրտի հետ կապ չուներ և 1-ին անգամ անց է կացվել 1897թ. Բեռլինում՝ Bristol հյուրանոցում, այստեղ ցուցադրվել են 8 ՛՛շարժիչային սարքեր՛՛: Սա պատմական իրադարձություն էր, Եվրոպայում 1-ին ավտոցուցահանդեսն էր բացվում:
ժամանակի ընթացքում IAA -ն մեծ ճանաչում ձեռք բերեց և ռեկորդներ սահմանեց: 1921թ. ցուցահանդեսին մասնակցեց 67 արտադրող, իսկ 1939թ. այն 825 000 այցելու ունեցավ: 2-րդ աշխարհամարտի տարիներին ցուցահանդեսի գործուենությունը դադարեցվեց, իսկ 1951-ից վերաբացվեց Ֆրանկֆուրտում, որտեղ և շարունակվում է մինչ օրս: Բայց անփոփոխ են մնացել ցուցանմուշները՝ մեքենաներ, որոնցից շատերը ժամանակի ընթացքում վեր են ածվում իսկական լեգենդների:
Փորձենք վերհիշել IAA պատմության ողջ ընթացքում ցուցադրված լավագույն մոդելները:
Volkswagen Käfer/Beetle
Աշխարհի ամենահանրահայտ մեքենայի տիտղոսը վայելող Ֆոլցվագենյան ժուկի մասին բոլորն են լսել: Այս մեքենան առանց մասշաբային փոփոխությունների թողարկվել է 1938-ից 2003 թ-ը և ավտոմոբիլային երկարակեցության բացարձակ ռեկորդ է սահմանել: Իր ճանապարհը VW Käfer-ը, որն այն ժամանակ կոչվում էր KdF-Wagen, սկսել է 1939թ. գարնանը՝ IAA ցուցահանդեսում: 25 ձիաուժ հզորությամբ շարժիչով այս մեքենան շատ արագ վերածվեց ժողովրդական մեքենայի:
BMW 507
1955թ. BMW ընկերությունը Ֆրանկֆուրտում ներկայացրեց 507 անվանումը կրող նոր ռոդստերը: Սա պատասխան էր ՛՛ ճայի թևերով՛՛ Mercedes-Benz 300 SL -ին, որը նախորդ տարի էր արտադրվել: Մեքենան հագեցած էր 3,2 լիտրանոց V8 շարժիչով, որն, ինչպես թափքն ամբողջությամբ, պատրաստված էր ալյումինից:
Շարժիչի հզորությունը 150 ձիաուժ էր, 100 կմ/ժ-ի սահմանը հաղթահարում էր 8,8 վրկ-ում: BMW -ի պատմության մեջ 1-ին անգամ առջևից տեղադրվեցին դիսկային արգելակներ: Մի խոսքով,թե՛ տեխնիկապես, թե՛ արտաքին տեսքով, որի դիզայնն արվել էր Albrecht Goertz-ի կողմից, այս մեքենան մեծ ուշադրության ու հարգանքի էր արժանի: BMW 507 -ը արտադրվել է ընդամենը 252 օրինակով:
Porsche 901/911
Porsche 901 անվանումը ավտոսիրողներին ոչինչ չի ասի, սակայն ի սկզբանե հենց այս անվանումն էր ստացել լեգենդար 911 մոդելը: Ցուցադրությունից անմիջապես հետո պարզվեց, որ դեռևս 20-ականերից Peugeot ընկերությունը հեղինակային իրավունքներ էր ձեռք բերել մեջտեղում 0 թիվն ունեցող բոլոր թվային անվանումների նկատմամբ: Porsche -ն որոշեց չբախվել ֆրանսիացիների հետ և մի թիվը մյուսով փոխեց: Այսպես առաջացավ նոր անվանումը՝ Porsche 911:
1-ին 911-ը, որի ստեղծմանը կարևոր մասնակցություն էր ունեցել Ֆերդինանտ Պորշեի որդին՝ Ֆերրին, 4290 մմ երկարություն ուներ, ետևի քարշակ էր, շարժիչը նույնպես ետևի կողմում էր տեղադրված: Ամենահզոր շարժիչը 300 ձիաուժի էր հասնում՝ 3,3 լիտր աշխատանքային ծավալով:
1-ին Porsche 901-ը արտադրվել է 25 տարի, մոդելը 5 սերունդ է ստացել,և, ամենակարևորը, այն դասվում է ավտոաշխարհի իսկական լեգենդների շարքում:
Renault 4
Եթե կարծում եք, որ ավտոսրահները սուպերքարերի, թանկարժեք լիմուզինների ու սպորտային մոդելների համար են, ապա սխալվում եք: 20-րդ դարի կեսերից արտադրողները սկսեցին առավել մեծ կարևորություն տալ մասսայական սպառողների պահանջների բավարարմանը: Այդ նպատակին էր ուղղված Renault 4-ը, որ Ֆրանկֆուրտում ներկայացվեց 1961թ.: Այն բավական պարզ կառուցվածք ուներ և մտածված էր որպես ունիվերսալ մեքենա: Այս ոչ թանկ մեքենան իր ժամանակներում մեծ պահանջարկ ուներ: Renault 4-ը ֆրանսիական ամենահանրահայտ մոդելներից է և արտադրվել է 8 մլն-ից ավելի օրինակով:
Volkswagen Passat
1973թ. ներկայացվեց Volkswagen Passat մոդելը: Սա ընկերության 1-ին մոդելն էր, որի շարժիչն առջևում էր տեղադրված: Բայց Passat -ի առավելությունը նրա ընդարձակ սրահն էր, ինչը 70-ականների համար նորույթ էր: 1 տարվա ընթացքում այն դարձավ Գերմանիայի ամենաշատ վաճառվող մեքենան:
BMW 3-series
3-րդ սերիայի BMW -ն ցուցադրվեց 1975թ.: Սկզբում այնարտադրվում էր կուպե և կաբրիոլետ թափքով: Հագեցած էր 1,6-2,3 լ աշխատանքային ծավալով բենզինային ագրեգատներով, որոնք հզորությունը հասնում էր 75-143 ձիաուժի: Որոշ ժամանակ անց մոդելը սկսեց արտադրվել նաև սեդան և ունիվերսալ թափքերով, ստացավ «М» սպորտային մոդիֆիկացիան, փոխեց 6 սերունդ և դարձավ աշխարհի ամենահանրահայտ մոդելներից մեկը:
Ferrari F40
80-ականների կեսերն այդքան էր հաջող ժամանակահատված չէր Ferrari բրենդի համար, նա լավագույն սպորքար արտադրողի իր տեղը կիսել էր մի քանի մրցակիցների հետ: Ferrari -ի հեղինակությունն ու պատիվը պահելու համար որոշում կայացվեց ստեղծել մի նոր գերհզոր մոդել. այն դարձավ Ferrari F40-ը, որ ներկայացվեց Ֆրանկֆուրտում 1987թ: 478 ձիաուժ հզորությամբ, 320 կմ/ժ մաքսիմալ արագությամբ այս մոդելը դարձավ բոլոր ժամանակների լավագույն սպորտքարերից մեկը:
Բացի վերոհիշյալ մոդելներից Ֆրանֆուրտի հարթակից են իջել ու աշխարհը նվաճել մի շարք այլ հանրահայտ մոդելներ, ինչպիսիք են A-դասի Mercedes-Benz, Porsche 959, Audi 300 , Opel Tigra, Lamborghini Murcielago, Mercedes-Benz SLR ր այլ մոդելներ:
Այնպես որ սպասենք Ֆրանկֆուրտյան ավտոսրահի 2013թ-ի ցուցադրությանը, որը բացումը տեղի կունենա վաղը: Չի բացառվում, որ այնտեղ ծնունդ են առնելու ապագայի լեգենդար մեքենաները:
Այլ նորություններ
|
Վիդեո
|
