Նոր, ոչ ստանդարտ կոնցեպտ Citroen -ից
Citroen -ը բացահայտել է նոր Cactus կոնցեպտը, որի պաշտոնական ցուցադրությունը կկայանա հաջորդ շաբաթ՝ Ֆրանկֆուրտյան ավտոցուցադրության շրջանակներում:
Ռադիկալ տեսք ունեցող այս կրոսսովերը Range Rover Evoque-ի ֆրանսիական ձևակերպումն է, սակայն այս 2 մեքենաները հակադիր բևեռներում են շուկայական առաքելության առումով, հենց այս մոդելն է C-line շարքի բյուջետային ամենագնացների առաջին օրինակը, որ տարվա սկզբից գովազդվում է Citroen -ի կողմից:
Citroen Cactus-ի տեխնիկական բնութագրումների մասին ընկերությունը բացահայտումներ չի տալիս, այս պարագայում ավելի մեծ հետաքրքրություն է ներկայացնում ոչ սովորական դիզայնը: Հետաքրքիր կառուցվածք ունեն լուսադիոդային լուսարձակներն ու դռները,համայնապատկերային տանիքը: Նշենք նաև կողային ու ետևի ապակիների բացակայության, օվալաձև ղեկի և Airbump փափուկ վահանակների մասին, որոնք մեծ յուրօրինակություն են հաղորդում մոդելի դիզայնին: Ի դեպ, Airbump վահանակները չնչին դեֆորմացիաների դեպքում կարող են ինքնուրույն կերպով վերադառնալ նախկին տեսքին:
Նորույթը կստանա բենզինային (68-120 ձիաուժ) և դիզելային (70-115 ձիաուժ) շարժիչներ, ինչպես նաև կթողարկվի հիբրիդային տարբերակով:
Այլ նորություններ
|
Վիդեո
|
