Ընկերությունը հրապարակել է նոր կոնցեպտի լուսանկարները մինչ նրա դեբյուտը:
Մինիվենը նախատեսված է եվրոպական շուկայի համար, առաջարկվում է 7 տեղանոց սրահով և EcoBoost էկոնոմ շարժիչներով: Հիմնականում նորույթը հագեցած կլինի 1.5 լիտրանոց 4 գլանային շարժիչներով, կառաջարկվի նաև 1,6 և 2,0 լ դիզելային շարժիչներով:
S-Max-ի էքստերիերն արված է Ford-ի նոր ոճով՝ ագրեսիվ դիմային հատվածը հիշեցնում է Fusion/Mondeo սեդանը: Ռադիատորային ցանցը վերջին սերնդի Ford Fiesta-ի ոճով է արված: Ձգցած լուսարձակները յուրօրինակ տեսք են հաղորդում մեքենային:
S-Max Concept-ին հատուկ են գերզարգացած տեխնոլոգիաները, ինչպիսիք են ավտոմատ կայանման համակարգը, հետիոտների հայտնաբերման ու ավտոմատ արգելակման և մի շարք այլ կարևոր համակարգեր: Արդեն սովորական դարձած ինտերնետ հասանելիության կողքին նոր մոդելում առկա է նաև ձայնային հրամանների ճանաչման համակարգը:
Սերիական S-Max -ի թողարկումը նախատեսվում է 2014թ-ի աշնանը:
