Infiniti-ն ցուցադրել է մակնիշի ամենափոքր մոդելը
Infiniti ընկերությունը չսպասելով նշանակված պաշտոնական ցուցադրությանը Ֆրանկֆուրտի ավտոցուցահանդեսում, ներկայացրել է նոր կոմպակտ մոդել: Q30 կոնցեպտը նշանավոր մակնիշի ապագայի մոդելների ոճը ներկայացնելու նպատակ ունի, իսկ նրա սերիական տարբերակը կհայտնվի 1,5-2 տարի անց: Infiniti Q30 -ը կթողարկվի՝ որպես մրցակից հեղինակավոր գերմանական կոմպակտ մոդելների՝ 1-ին սերիայի BMW -ի և А-class Mercedes-Benz-ի:
Ճապոնական ընկերության դիզայներներն այս կոնցեպտի վրա աշխատելիս փորձել են համադրել 3 տարբեր թափքերի՝ կուպեի, հեչբեքի ու կրոսսովերի բնորոշ գծերը: Infiniti-ի ներկայացուցիչները հայտնում են, որ նման քայլը առավել երիտասարդ ու ակտիվ լսարան ձեռք բերելու նապատակով է արվել: Q30-ի ապագա գնորդները պիտի գնահատեն նման դիզայնը, որը միաժամանակ 3 մեքենա է հիշեցնում:
Ենթադրվում է , որ նորույթի շարժիչային շարքը կհամալրվի 1,6-ից 2,2 լիտրանոց բենզինային ու դիզելային շարժիչներով:
Ամենային հավանականությամբ, Infiniti Q30 կոնցեպտը սերիական արտադրության կդրվի 2015թ-ին:
Այլ նորություններ
|
Վիդեո
|
