2015 Cadillac Escalade
Նախօրեին Նյու Յորքում տեղի է ունեցել 2015թ. Cadillac Escalade մոդելի պաշտոնական ցուցադրությունը: Լյուքս դասի ամենագնացը բավական մեծ փոփոխությունների է ենթարկվել: Էքտերիերում փոխվել են ռադիատորային ցանցի ձևը, լուսարձակներն ու լապտերները, անվասկավառակների դիզայնը:
Ինտերիերում փոփոխություններն ավելի շատ են. Escalade-ի այս մոդելը մի քանի աստիճանով ավելի բարձր է նախորդներից: Սրահը բավական ճոխ է արված ու հեռացել է ամենագնացին բնորոշ ոճից: Այստեղ փայտի ու թանկարժեք կաշիների համադրությունից հիանալի արդյունք է ստացվել:
Կենտրոնական վահանակի վրա հայտնվել են 12,3 և 8 դյույմանոց գերժամանակակից էկրաններ, որոնք ապահովում են CUE մուլտիմեդիոն համակարգը, նավիգացիա, Bluetooth, Blu-Ray DVD՝ ետևի ուղևորների համար: Բազային կոմպլետացիայի մեջ են մտնում նաև փակուղիների և խաչմերուկների վերահսկման, գծից շեղվելու մասին զգուշացնող համակարգերը:
Նոր Cadillac Escalade-ի վրա տեղադրվել է 6,2 լ աշխատանքային ծավալով V8 շաչժիչի նորացված տարբերակը, որի հզորությունը հասցվել է 420 ձիաուժի, իսկ պտուտային մոմենտը՝ 623 Ն/մ-ի: Մեքենան ստացել է 6-աստիճան ավտոմատ Hydra-Matic 6L80 փոխանցման տուփ:
Ամենագնացը հասանելի կլինի 2014-ի գարնանից՝ լիաքարշակ և առջևի քարշակ տարբերակներով: Գնի վերաբերյալ տեղեկություններն ու մյուս մանրամասները հայտնի կդառնան ավելի ուշ: Նշենք , որ Cadillac Escalade-ի նախորդ մոդելը Ռուսաստանում ավելի քան 3 մլն ռուբլի արժե:
.png)
Այլ նորություններ
|
Վիդեո
|
