|
Subaru Impreza-ն 2013թ. նախընտրելի մոդելներից է: Վառելիքի նվազագույն ծախս արձանագրած մեքենաների ցուցակում այն զբաղեցնում է 18-րդ տեղը 43 -ից: Մոդելի առավելություններից են նաև պրակտիկ լինելը, ընդարձակ ու հարմարավետ սրահը, լիաքարշակ համակարգը: Մեքենայի դրական կողմերը այսքանով չեն սահմանափակվում, սակայն անվտանգության տեսակետից այն այդքան էլ ապահով չէ:
2013թ. Impreza-ն հասանելի է 3 շարժիչներով, որի հզորությունից փորձարար վարորդները չեն դժգոհում: 2 լիտրանով 4-գլանային շարժիչը 148 ձիաուժ է ապահովում, իսկ WRX и WRX STI տարբերակները հագեցած են 2.5 լիտրանոց տուրբո շարժիչով՝ 265 և 305 ձիաուժ հզորությամբ:Ստանդարտ տարբերակում փոխանցման տուփը 5-աստիճան մեխանիկական է, ցանկության դեպքում կարելի է տեղադրել CVT.
CVT համակարգի դեպքում վառելիքի ծախսը 8,18/6,5 լիտր է կազմում քաղաքում/ մայրուղիով 100կմ երթևեկելու համար: Չմոռանանք, որ խոսքը լիաքարշակ սեդանի մասին է:
Մասնագետները դրական են գնահատում նաև մոդելի արգելակման համակարգն ու ղեկի կառավարումը՝ հատկապես եղանակային վատ պայմաններում:
2013թ. Impreza-ն առաջարկվում է սեդան և հեչբեք տարբերակներով, 2-ն էլ հարմարավետ սրահով են ապահովված, ինչը բավական ընդարձակ է, սակայն որակով ու ճոխությամբ չի փայլում:
Ստանդարտ տարբերակը պարունակում է ստերեո՝ Bluetooth и USB համակարգերով: Հավելյալ վճարի դեպքում առաջարկվում է կաշվե սրահ, լյուկ, առջևի նստատեղերի տաքացում, նույնիսկ ավտոմատ կլիմատ-կոնտրոլ և նավիգացիոն համակարգ:
|
Announcements
Carfans network
Subaru Impreza 2013
