Ուղիղ 30 տարի առաջ արտադրվել է հանրահայտ Audi Sport Quattro մրցավազքային բոլիդը: Առաջիկայում տեղի ունենալիք Ֆրանկֆուրտի ավտոսրահում Audi-ն կներկայացնի համանուն մեքենա, որը կարող է պարծենալ փոքր ախորժակով և տպավորիչ դինամիկայով:
Մեքենան իր չափերով ավելի փոքր է, քան Audi RS5-ը, սակայն ավելի ծանր է շարժիչի պատճառով, որի անբաժանելի մասն է համարվում հիբրիդային ուժային սարքը: 4 լիտրանոց V8 և էլեկտրոշարժիչը Audi Sport Quattro-ին կապահովեն 700 ձիաուժ հզորությամբ:
Մեքենան 100կմ/ժ արագությանը կարողանում է հասնել 3.5 վայրկյանում, իսկ նրա առավելագույն արագությունը կազմում է 305կմ/ժ: «Start-stop» համակարգի և մխոցների մի մասը անջատելու շարժիչի ունակության շնորհիվ Audi Sport Quattro-ն 100 կմ ճանապարհի վրա ծախսում է ընդհամենը 2.5 լիտր բենզին: Մեքենան կարող է շարժվել նաև էլեկտրական ռեժիմով, որով նա կարող է անցնել 50 կմ:
|