Subaru WRX S4 և WRX STI Type S մոդելները ներկայացվել են ճապոնական ավտոշուկայում
Subaru ընկերությունը Ճապոնիայում ցուցադրել է WRX S4 և WRX STI Type S սպորտային սեդանները:
WRX S4-ը հիմնական պարամետրերով նման է WRX –ի ստանդարտ տարբերակին: Հիմնական տարբերությունն այն է, որ S4–ի թափքն ու կախոցն ավելի ամուր են դարձել, իսկ 2.0 լիտր աշխատանքային ծավալով տուրբոշարժիչի հզորությունը 268-ից հասցվել է 300 ձիաուժի, պտուտային մոմենտը՝ 350-ից 400 Ն/մ-ի:
Մոդելը հագեցած է էլեկտրոնային կայանման արգելակներով, առջևի բավական ցածր բամպերով, լուսադիոդային լամպերով, հատուկ դիզայնով արված 18 դյույմ անվասկավառակներով, էլեկտրոուժեղացուցիչ ղեկով և այլն:
.gif)
WRX STI Type S մեքենան նույնպես ստացել է 2.0 լիտրանոց տուրբոշարժիչ, որի ցուցանիշները սակայն այլ են՝ 305 ձիաուժ և 421 Ն/մ: Այն աշխատում է 6 աստիճան մեխանիկական փոխանցման տուփի օգնությամբ:
STI Type S-ի արտաքին տեսքը նույնպես փոփոխություններ է կրել. նոր բամպեր, լուսադիոդային լապտերներ, 18 դյույմանոց անվասկավառակներ ու անվադողեր:
2 սեդանների սրահում տեղադրվել են սպորտային բազկաթոռներ, որոնք հարմարավետություն ու հիանալի տեսք են ապահովում այս մոդելների համար:
Ցուցադրված մեքենաները նախատեսված են Ճապոնիայի ներքին շուկայի համար, սակայն չի բացառվում, որ դրանք կարող են հայտնվել նաև մյուս երկրներում:
Այլ նորություններ
|
