Porsche Macan-ի նորացված տարբերակը կներկայացվի Մոսկվայում
Մոսկովյան հանրահայտ Top Car տյունինգային ատելյեն Մոսկվայում օրերս կայանալիք ցուցահանդեսում կներկայացնի իր վերջին աշխատանքը՝ Porsche Macan կոմպակտ կրոսսովերի վերափոխված տարբերակը:
Porsche Macan -ը ստացել է նոր կարբոնային հանդերձանք՝ 16 080 եվրո արժողությամբ, դիմային և ետևի բամպերներ, որ բոլորովին այլ տեսք են հաղորդում կորսսովերին, ռադիատորային ցանց, լայնացված անվահեծեր: Առջևում հայտնվել են օդամղիչներ, իսկ հետևի կողմում միանգամից 2 սպոյլեր:
Մեքենան հայտնվել է 21 դյույմանոց թրծված անվասկավառակների վրա, որոնց արժեքը 265/40 և 295/35 չափի անվադողերի հետ միասին 7300 եվրո է կազմում:
Սրահը նույնպես փոփոխությունների է ենթարկվել. բազկաթոռներն ու դիմային հատվածը վառ մանուշակագույն կաշվից են արվել, փոփոխվել է ղեկը և այլն:
Ատելյեի մասնագետները որոշել են չփոփոխել առանց այն էլ հզոր 400 ձիաուժանոց շարժիչը, այն թողնելով ապագային:
Porsche Macan URSA -ի դեբյուտը կկայանա օգոստոսի 27-ին մոսկովյան ավտոցուցահանդեսի շրջանակներում:
Այլ նորություններ
|
