Վերածնված Toyota Supra կոնցեպտի առաջին ցուցադրությունը կկայանա Դետրոյթյան ավտոցուցահանդեսում 2014թ. հունվարին: Այդ մասին հայտարարություն է արել ճապոնական ավտոընկերության ղեկավարությունը:
Նորացված Supra-ն շատ երկար սպասեցնել տվեց, նրա մասին լուրերը սկսել էին շրջանառվել դեռևս 2007 թվականից, երբ ճապոնացիները ցուցադրեցին FT-HS կոնցեպտը (լուսանկարում), որը պայմանավորելու էր ապագա սպորտքարի տեսքը: Այն ժամանակ այս նախագծի իրականացմանը խանգարեց համաշխարհային ֆինանսական ճգնաժամը, բայց 2011-ին վերջնականապես որոշվեց, որ այն կյանքի կկոչվի, ի դեպ, BMW-ի օգնությամբ:
Թանկարժեք սպորտկուպեն կպատրաստվի GT 86-ի հիմքի վրա և կստանա հիբրիդային ուժային համակարգ՝ 400 ձիաուժ հզորությամբ: Առավել մանրամասն տեղեկությունները հայտնի կդառնան մոդելի ցուցադրման ժամանակ:
