АвтоВАЗ-ը առաջիկայում 5 նոր մոդել կթողարկի
Առաջիկա 4 տարիների ընթացքում АвтоВАЗ ընկերությունը մտադիր է հարստացնել իր մոդելային շարքը: Ռուսները պատրաստվում են 2 կրոսսովերի, հեչբեքի, խոշոր ամենագնացի և սեդանի արտադրմանը:
1-ին ավտոմոբիլը , որ կթողարկվի, Lada B (2180) կոդային անվանումը կրող սեդանն է: Այն փոխարինելու է Lada Priora-ին: Ընկերության ղեկավարությունը տեղեկացնում է, որ նոր մոդելի սերիական արտադրությունը կսկսվի 2015-16թթ:
Բացի դրանից, այս պահին ակտիվ աշխատաքներ են տարվում նաև 2 այլ մոդելների նախագծման գործում, խոսքը գնում է քաղաքային հեչբեքի (BM-hatch) և կրոսսովերի (B-Cross SUV) մասին: Այս 2 մոդելների նախագծման հարցում АвтоВАЗ ընկերությունը համագործակցում է Renault-Nissan -ի հետ: Դրանք վաճառքում կհայտնվեն մինչև 2016թ:
Ըստ ընկերության ղեկավարության խոսքերի, АвтоВАЗ -ի հետագա զարգացումը կպայմանավորի առավել թանկարժեք նորույթը՝ Lada C-Cross խոշոր կրոսսովերը: Այն 2015թ.-ից հավակնում է դառնալ մակնիշի ամենաթարկարժեք մոդելը: Արտադրողները դեռևս չեն խոսում նույնիսկ մոտավոր գների մասին:
АвтоВАЗ-ը մեծ նպատակներ ունի նաև հաջողության հասնել լիաքարշակ մոդելների ասպարեզում: 2017թ. գործարանը պլանավորում է Lada 4х4 ամենագնացի նոր տարբերակը թողարկել:
Առայժմ բոլոր նախագծերը քննարկման փուլում են:
Այլ նորություններ
|
