BMW 4-series Coupe- Cabriolet. բոլոր մանրամասները
4-րդ սերիայի BMW-ի բաց տարբերակը առաջին անգամ հասարակության առջև կցուցադրվի նոյեմբերին՝ Լոս-Անջելեսի ցուցահանդեսում: Իսկ բավարիական ամենաթարմ նորույթի վերաբերյալ բոլոր մանրամասներն արդեն հայտնի են: Այն փոխարինելու է եկել 3-րդ սերիային, որից արտաքին դիզայնով բավական տարբերվում է:
Ծածկի մասին խոսելիս նշենք, որ այն մետաղական է և բացվում է 20 վայրկյանում մինչև 18 կմ/ժ արագության դեպքում: 4-րդ սերիայի կաբրիոլետի քաշը 20 կգ-ով նվազել է 3-րդ սերիային համեմատությամբ: 20 լիտրով ավելացել է նաև բեռնախցիկի տարողությունը:
Արտադրողները մեծ ուշադրություն են դարձրել նաև ուղևորներին միջանցիկ քամուց պաշտպանելուն, ինչը առանց ծածկի մեքենաների թերությունն է հանդիսանում:
Տեխնիկական կառուցվածքի մասին խոսելիս, ասենք, որ նորույթը ստացել է 420d (184 ձիաուժ), 428i (245 ձիաուժ) և 435i (306 ձիաուժ) տարբերակները, որոնք առաջարկվում են 6 աստիճան մեխանիկական կամ 8 աստիճան ավտոմատ փոխանցման տուփերով:
Կուպե-կաբրիոլետի վաճառքը Արևմուտքում կսկսվի 2014թ. գարնանը:
Այլ նորություններ
|